Eraldaketa digitalaren aroan, adimen artifizialaren (AA) erabilpena gero eta ohikoagoa da. Administrazio publikoetan ere zerbitzu publikoak hobetzeko helburuaz, algoritmo eta adimen artifizialeko sistemen erabilpena oso hedatua dago eta aldiro algoritmo eta adimen artifizialeko sistema berriak erabiltzen ari dira.
Legebiltzarkide gisa dagokidan funtzioa betez eta indarrean dagoen Erregelamenduaren 11. artikuluaren babesean, ondorengo informazio eskaera egiten diot Araba/Bizkaia/Gipuzkoako Foru Aldundiari.
INFORMAZIO ESKAERA
Arabako Foru Aldundiko sail bakoitzean erabilitako algoritmoei eta adimen artifizialeko sistemei buruzko informazio eta dokumentazio osoa eskatzen dugu, honako hauek zehaztuz:
- Araba/Bizkaia/Gipuzkoako Foru Aldundiko zein sailek erabili edo erabiltzen duen algoritmo eta AAeko sistema;
- Algoritmoa zein den, helburua eta algoritmoaren informazioa dagoen zuzeneko esteka;
- Nork garatu duen;
- Algoritmoaren inpaktuaren ebaluazioa (ebaluatu den ala ez); inpaktuaren ebaluazioaren data; nork ebaluatu duen inpaktua;
- Zein daturekin entrenatu den algoritmo eta AAko sistema;
- Auditoretza (ikuskatu den ala ez);nork ikuskatu duen; auditoretzaren data eta emaitza;
- Alborapen eta diskriminaziorik ebaluatu den eta zein emaitza izan dituen; giza ikuskapena duen eta zein arrisku hauteman diren;
- Algoritmo eta AAeko sistema noiztik eta noiz arte dagoen ezarrita (data);
- Beste administrazio publikoren batentzat berrerabilgarria izan edo izango den;
- Algoritmo eta AAeko sistemaren kostea.
LibreOffice Calc, Excel edo antzeko formatuan bidaltzea eskatzen da, formatu editagarrian.
Gasteizen, 2026ko urtarrilaren 12an
Lore Martinez Axpe
EH Bilduko legebiltzarkidea eta bozeramaileordea
